Hei! Eg heiter Vegard Halkjelsvik og kameraet er sjeldan langt unna. Eg likar å fotografere litt av alt – frå portrett og event til dronefoto og natur. I tillegg til foto filmar eg også video, både aftermoviar frå event og eigne hobbyprosjekt som er litt meir artistiske. Det som starta som ein hobby, har også ført til frilanceoppdrag, mellom anna for Fjord1 og ulike musikkfestivalar.

Den største inspirasjonen finn eg i den dramatiske naturen på Sunnmøre og resten av Vestlandet. Fjell, fjordar og skiftande vêr skaper stadig nye motiv, men eg set òg pris på å fange menneske, stemning og små augeblikk.

Denne nettsida er ei samling av bilete frå både hobbyprosjekt og nokre oppdrag eg har hatt opp gjennom åra.